Wendy / Winifred as Gaeilge?? Tá sé leath-oibrithe amach agam.

mr chips

A chairde,
Fada an lá ó bhuail mé isteach anseo! Tá mé ag iarraidh píosa beag cuidithe, le bhur dtoil ...

Tháinig tuismitheoir chugam inniu, bean atá ag dúil le babaí. Tá a fhios aici gur cailín a bheas ann, agus bhí sí ag fiosrú an bhfuil leagan Gaeilge don ainm "Wendy", atá ag a deirfiúr (deirfiúr na mná, ní deirfiúr an pháiste). Níl cóip agam den Sloinnteoir & Ainmneoir, ach tá a fhios agam gur ó "Winifred" a dtagann an t-ainm "Wendy", agus gur ainm Bhreatánach é. Luaigh duine "Sinéad", ach mothaím gur aicearra atá ann!

Rinne mé cuardach google agus tháinig mé aníos le cúpla ciall:
"Holy, blessed, reconciliation, joy and peace" - rud beag róleathan!
agus
"Derived from the Welsh elements gwen "white, fair, blessed" and frewi "reconciliation, peace".
Sílim go bhfuil an dara leagan rud beag níos cruinne.

Ok, focal amháin ag an am:
"Reconciliation/Peace"
Ón réimse aistriúcháin don chiall seo, tá "Sámh" agus "Séimhín" ann agus tá mé sásta go leor le "Séimhín" chun "peaceful/placid one" a léiriú.

"Fair"
Bhí mé ag smaoineamh faoi rud éigin cosúil le "Séimhín Fhionn" - ach bheadh sin rud beag ciotach, agus tá páiste eile sa chlann darbh ainm Caoilfhionn. An mbeadh "Séimhín Gheal" aisteach?

"Blessed"
Bheadh "Séimhín Naofa" chomh ciotach céanna, agus ní dóigh liom go mbeadh "Séimhín Feachtna" deas ar chor ar bith!

"Joy"
Is dócha go dtig léi "Aoibhinn" a úsáid, ach ansin bheadh "Séimhín Aoibhinn" ann. An mbeadh "Séimhín Aoibh" rófhada ón chiall?

Bhfuil aon moladh eile agaibh???? ;)

An gal gréine

Caidé fá Úna ?

maupat

mr chips, a chara,

Dar leis 'An Sloinnteoir Gaeilge agus an tAinmneoir' is í 'Úna' a dtugtar ar Winefred (Winnie).

mr chips

Gabhaigí mo leithscéal nár fhreagair mé seo roimhe agus go raibh maith agaibh a chairde. Thug mé an t-eolas don bhean ach anois níl sí cinnte an bhfuil sí ag dúil le cailín nó le buachaill!! :pac: