Gile na gile le Aodhagán Ó Rathaille

mediaeval

I'm looking for the original Irish version of this but can't find it online. I can find lots of translations mind you, but it's the Irish I want. An bhfuil 'link' ag éinne? Tá sé ins "An Duanaire" - tá cóip agamsa ach nílim sa bhaile faoi láthair.

Insect Overlord

Ní dóigh liom go bhfuil "link" agam ach tabhair leathuair a chloig dom agus scríobhfaidh mé cóip duit.

Insect Overlord

Gile na gile do chonnarc ar slí in uaigneas,
criostal an chriostail a goirmroisc rinn-uaine,
binneas an bhinnis a friotal nár chríonghruama,
deirge is finne do fionnadh 'na gríosghruannaibh.

Caise na caide i ngach rilse dá buí-chuachaibh,
bhaineas an cruinneac den rinneac le rinnscuabadh,
iorra ba ghlaine ná gloine ar a broinn bhuacaigh,
do gineadh ar ghineamhain di-se san tír uachtraigh.

Fios fiosach dom d'inis, is ise go fíor-uaigneach,
fios filleadh don duine don ionad ba rí-dhualgas,
fios milleadh na droinge chuir eisean an rinnruagairt,
's fios eile ná cuirfead im laoithibh le fíor-uamhan.

Leimhe na leimhe dom druidim 'na cruinntuairim,
im chime ag an gcime do snaidhmeadh go fíorchrua me;
ar ghoirm Mhic Mhuire dom fhortacht, do bhíog uaimse,
is d'imigh an bhruinneal 'na luisne go bruín Luachra.

Rithim le rith mire im rithibh go croí-luaimneach,
trí imeallaibh corraigh, trí mhongaibh, trí shlímruaitigh;
don tinne-bhrugh tigim - ní thuigim cén tslí fuaras -
go hionad na n-ionad do cumadh le draíocht dhruaga.

Brisid fá scige go scigeamhail buíon ghruagach
is foireann de bhruinnealaibh sioscaithe dlaoi-chuachach;
i ngeimhealaibh geimheal me cuirid gan puinn suaimhnis,
's mo bhruinneal ar broinnibh ag broinnire broinnstuacach.

D'iniseas di-se, san bhfriotal dob fhíor uaimse,
nár chuibhe di snaidhmeadh le slibire slímbhuartha
's an duine ba ghile ar shliocht chine Scoit trí huaire
ag feitheamh ar is bheith aige mar chaoin-nuachar.

Ar chloistin mo ghutha di goileann go fíor-uaibhreach
is sileadh ag an bhfliche go life as a gríosghruannaibh;
cuireann liom giolla dom choimirc ón mbruín uaithi -
's í gile na gile do chonnarc ar slí in uaigneas.

An Ceangal

Mo threighid, mo thubaist, mo thurainn, mo bhrón, mo dhíth!
an soilseach muirneach miochairgheal beoltais caoin
ag adharcach foireanndubh mioscaiseach cóirneach buí,
's gan leigheas 'na goire go bhfillid na leoin tar toinn.

mediaeval

táim fíorbhuíoch díot, a Insect Overlord

Insect Overlord

mediaeval wrote: »

táim fíorbhuíoch díot, a Insect Overlord

Fadhb ar bith! Bhí an duanaire in aice liom sa seomra ar aon nós.